۸صبح، کابل: د ملګرو ملتونو د بشري مرستو د همغږۍ دفتر (اوچا) وايي چېد افغانستان په څلورو ولسوالیو کې د مرستندویو بنسټونو فعالیت او اړمنو کسانو ته لاسرسی له «سخت محدودیت» سره مخ دی.
دغه دفتر شنبه د تلې پر ۵مه، اعلان کړی چې اداري او د پروګرامونو اړوند لاسوهنې او پر ښځینه کارکوونکو او د مرستو پر ترلاسه کوونکو ښځو محدودیتونه د دغو محدودیتونو اصلي لاملونه دي.
د اوچا په وینا، د پروژو او هوکړهلیکونو په منظورۍ کې ځنډ، د لارو او سرحدونو محدودیتونه او د بودیجې کمښت هم بشري مرستو ته د نه لاسرسي نور لاملونه دي.
د اوچا د بشري لاسرسي د ارزونې د نهم پړاو له مخې، په فاریاب کې میمنه، په ننګرهار کې مهمنددره او په نورستان کې برګمتال او کامدېش،د «سخت محدودیت» د لرلو په حالت کې دی.
بشري مرستو ته په لاسرسي کې محدودیت یا خنډ کولای شي اړمنو کسانو ته د مرستو د رسېدو د ځنډېدو یا هغوی ته د مرستو د نه رسېدو لامل شي.
اوچا ویلي چې بشري سازمانونو ته خوندي او دوامداره لاسرسی، د اړتیاوو د ارزونې، د مرستو د رسولو او له سیمهییزو ټولنو سره د اړیکو د ټینګولو امکان برابروي.
