۸صبح، کابل: د ملګرو ملتونو د بشري مرستو د همغږۍ دفتر (اوچا) ټینګار کړی چې ملکي وګړي باید د نښتو بيه پرې نه کړي.
اوچا يکشنبه د چنګاښ پر ۱۴مه، پر خپله اېکسپاڼه لیکلي چې نښتې پر رواني روغتیا سخت اغېز کوي.
دغه نړیوال بنسټ ویلي، ملکي وګړي، په ځانګړې توکه ماشومان باید تل د نړیوالو بشري حقونو له مخې خوندي وساتل شي.
د ملګرو ملتونو د بشري مرستو د همغږۍ دفتر دغه څرګندونې څو ورځې وروسته له هغې کړې چې پاکستان پر کونړ، پکتیا او پکتیکا هوايي بریدونه وکړل.
د ملګرو ملتونو د ورکړل شویو شمېرو له مخې، پر دغو درېیو ولایتونو د پاکستان په وروستیو هوايي بریدونو کې د ښځو او ماشومانو په ګډون لږ تر لږه ۲۸ ملکي وګړي وژل شوي دي.
