په بلخ کې د ترافیکي پېښې له امله یو کس مړ شوی او ۱۱ نور ټپیان دي

۸صبح، بلخ: په بلخ کې د طالبانو امنیه قوماندانۍ ویلي چې په دغه ولایت کې د یوې ترافیکي پېښې له امله یو کس مړ شوی او ۱۱ نور ټپیان شوي دي.

د طالبانو تر کنټرول لاندې د باختر خبري اژانس یکشنبه د وږي پر ۲۹مه، راپور ورکړی چې دا پېښه د مزارشریف ـ کابل پر لویه لاره شوې ده.

د طالبانو د امنیه قوماندانۍ په وینا، د دغې پېښې لامل د موټر چلوونکو بې‌احتیاطي او د ترافیکي اصولو نه مراعاتول وو.

په وروستیو کلونو کې د افغانستان پر لویو لارو ترافیکي پېښو ډېر ځاني زیانونه اړولي دي.

د موټر چلوونکو بې‌احتیاطي، ډېر سرعت او د ترافیکي قوانین نه رعایتول د دغو پېښو راپور شوي لاملونه بلل کېږي.