۸صبح، کابل: د راپورونو له مخې، پاکستان څه باندې ۱۰۰ زره افغانان هلته د اوسېدو اسنادو نه لرلو له کبله افغانستان ته لېږلې دي.
پاکستانۍ ډان ورځپاڼې یکشنبه د زمري پر ۱۱مه راپور ورکړی چې د پاکستان له پنجاب ایالته ۱۳۹ زره او ۹۰۲ افغانان ایستل شوي دي.
د راپور له مخې، ۲۴۸ کسان په کمپونو کې دي چې له قانوني بهیر تېرولو وروسته به افغانستان ته ولېږل شي.
پاکستاني چارواکو ویلي چې په تېرو درېیو کالو کې یې شاوخوا ۲.۶۶ میلیونه افغانان ایستلي دي.
دا په داسې حال کې ده چې د بشري حقونو بنسټونو له پاکستان څخه د افغانانو د ایستلو پر څرنګوالي اندېښنه ښودلې او له هغوی سره یې د نړیوالو معیارونو له مخې د چلند غوښتنه کړې ده.
