۸صبح، کابل: د افغانستان لپاره د ملګرو ملتونو د بشري حقونو شورا ځانګړي راپور ورکوونکي ریچارډ بېنټ په کونړ ولایت کې پر ملکي ځایونو د پاکستاني بریدونو په غبرګون کې ویلي چې عاملان یې باید ځوابویونکي واوسي.
بنېټ سهشنه د غويي پر ۸ مه، پر خپله ایکس پاڼه لیکلي چې ملکي وګړي باید خوندي وساتل شي.
هغه ټینګار کړی چې د وروستیو او تېرو پېښو په تړاو چټکو، خپلواکو او هر اړخیزو څېړنو ته اړتیا ده.
په افغانستان کې د ملګرو ملتونو مرستندویه پلاوي دفتر (یوناما) هم په کونړ ولایت کې پر سید جمالالدین افغاني پوهنتون او ځینو نورو ملکي ځایونو د پاکستان توپچي بریدونو ته په اشارې سره ویلي چې ښوونیز مرکزونه باید په نښه نه شي.
یوناما د دې پېښې د مرګژوبلې کره شمېر نه دی ښودلی، خو طالبانو پرون ویلي وو چې په دغو بریدونو کې درې تنه وژل شوي او ۴۵ نور ټپیان دي.
د طالبانو په وینا، دا بریدونه پر دانګام، شیلتن ولسوالیو او همداراز په اسعداباد ښار کې د سید جمالالدین افغان پوهنتون پر لیلیه ترسره شوي دي.
