۸صبح، کابل: د کډوالو په چارو کې د ملګرو ملتونو عالي کمیشنرۍ د پاکستان او طالبانو ترمنځ د تاوتریخوالي د زیاتوالي په تړاو اندیښنه څرګنده کړې او زیاته کړې یې ده چې دا کړکیچونه پر راستنېدونکو اغېز کوي.
دې ادارې چهارشنبه د کب پر ۱۳مه راپور ورکړ چې تورخم ته نږدې د عمري ټرانزیټي مرکز او سپین بولدک ته نږدې د تخت پل د هر کلي مرکز دواړه د بریدونو له امله اغېزمن شوي دي.
د کډوالو په چارو کې د ملګرو ملتونو عالي کمیشنرۍ ویلي چې د کډوالو او راستنېدونکو په ګډون د ملکي وګړو ساتنه باید لومړیتوب وي.
د راپور له مخې، د ۲۰۲۶ کال له پیل راهیسې له پاکستان او ایرانه ۲۳۲زره او ۵۰۰ کسان راستانه شوي دي.
په راپور کې ویل شوي چې «په لویه کچه او چټک راستنیدنه د ساتنې اړتیاوې د پام وړ زیاتوي او په افغانستان او سیمه کې د نورو کډوالیو په ګډون د لا بې ثباتۍ خطر رامینځته کوي.»
بلخوا، د افغانستان او پاکستان ترمنځ وروستۍ جګړه دوام لري، چې په کونړ او ننګرهار ولایتونو کې یې زرګونه خلک بې ځایه کړي دي.
دغه دفتر ویلي چې په افغانستان، ایران، پاکستان او مرکزي آسیا کې د جبري بې ځایه شویو خلکو د ملاتړ او ساتنې په موخه د ۲۰۲۶ کال لپاره۴۵۴.۲ میلیون ډالرو ته اړتیا لري.
د ۲۰۲۳ کال له اکټوبر راهیسې له ایران او پاکستانه ۵.۴ میلیونه کسان افغانستان ته راستانه شوي دي.
