۸صبح، ننګرهار: پر کونړ ولایت د پاکستان لوري توغوندیزو بریدونو کې یو تن وژل شوی او دوه ټپیان شوي دي.
د کونړ والي اقبال سعيد ویلي، تېره ورځ پاکستاني ځواکونو د دغه ولايت پر سرکاڼو ولسوالۍ ١٦ توغندي توغولي، چې له امله يې يو ځوان وژل شوى او دوه نور کسان ټپيان شوي دي.
په کونړ ولایت کې یوې امنیتي سرچینې ۸صبح ته وویل چې، د پاکستان له لوري راتوغول شوي توغندي د سرکاڼو ولسوالۍ اړوند سيمو باندې لګېدلي دي.
د يادونې ده، چې له تېرو څو کلونو راهيسې پاکستاني ځواکونه پر کونړ او ننګرهار ولايتونو راکټي بريدونه کوي چې له امله يې سلګونو کسانو ته مرګ ژوبله اوښتې ده.
