پاکستاني ځواکونو يو ځل بيا د کونړ په شلتن ولسوالۍ راکټي بریدونه کړي

د کونړ والي محمد اقبال سعید ۸صبح ته وويل چې، پاکستاني ځواکونو له تېرې شپې راهیسې د شلتن ولسوالۍ باندې پنځوس توپونه راتوغولي، چې د سیمو خلکو ته یې ګڼ مالي زیانونه اړولي دي.
هغه دغه بریدونو د ښه ګاونډیتوب او نړیوالو اصولو خلاف عمل بولي او د سملاسي بندېدو غوښتنه یې وکړه.
پاکستان ځواکونو له تېرو څوکلونو راپدېخوا د کونړ او ننګرهار ولایتونو سربېره په سویل ختیځو ولایتونو توغوندیز بریدونه کوي چې له امله یې د دواړو هېوادونو پر اړیکو سیوری غوړلې دی.
داسې راپورنه هم شته چې پاکستاني ځواکونو په کونړ ولایت کې د ډیورنډ کرښې په اوږدو کې د اغزن تار له غزولو وروسته د کرښې دې غاړې د پرسونل ضد ماینونه هم ځای پر ځای کړي.