پکتیا کې د ښځو پر وړاندې د کلتوري محدودیتونو سره سره بیا هم نجونې د ویاندويي زده کړو مرکزونو کې زده کړې تر سره کوي.
دوی شکایت کوي، چې حقونه يې تر پښو لاندې کېږې او لاهم د تاوتریخوالي ګڼو پېښو سره مخ دي.
دوی همداراز وايي چې، په تېرو کلونو کې ښځو ته په بېلابېلو برخو کې ډېر کارونه شوي او د لا زیاتېدو غوښتنه يې کوي.
په بدو کې ورکول، زده کړو ته نه پرېښودل او په کم عمر کې د نجونو ودول هغه جدي ستونزې دي چې لا هم پکتیا کې ګڼې مېرمنې ور سره مخ دي.
دغه ښځې زیاتوي، پکتیا کې د خوندي چاپیریال او د امنیت نشتون ډېری ښځې له خپلو حقونو بې برخې کړي خو لا هم د ښځو د برخې فعالیني د خپلو حقونو د دفاع په مخه کار کوي.
د پکتیا د ځينو مدني ټولنو استازي وايي چې، د ښځو لپاره يي ګڼ پروګرامونه جوړ کړي او لا هم په دې هڅه کې دي چې د دوی لپاره بېلابېل پروګرامونه په لاره واچوي تر څو يي ژوند ور سره ښه شوی وي.
د هېواد د نورو ولایتونو په څېر پکتیا کې هم ښځې له بې وزلۍ، زده کړو، حقوقي او روغتیايي خدماتو ته د نه لاس رسي او ګڼو ستونزو سره مخ دي.