د ایران ولسمشر مسعود پزشکیان، وايي چې هېواد یې د سولې غوښتونکی دی او غواړي په سیمه او نړۍ کې رغنده رول ولوبوي، خو زور او تپل شوې پرېکړې نه مني.
پزشکیان دغه څرګندونې سه شنبه د لړم پر ۱۲مه، په ایران کې د پرتګال له نوي سفیر والټیر ماتیاش سره په کتنه کې کړې دي.
پزشکیان ویلي چې د ایران په اړه د لوېدیځو رسنیو تصوير له واقعیت سره سمون نه لري او تهران د نړیوالو قوانینو او مقرراتو په چوکاټ کې له خپلو حقونو دفاع کوي.
د پرتګال نوي سفیر هم ویلي چې د خپل ماموریت په موده کې به هڅه وکړي د ایران واقعیتونه خپل هېواد ته ورسوي.
په وروستیو کلونو کې د ایران او اروپايي هېوادونو اړیکې د تهران د اټومي پروګرام، اقتصادي بندیزونو او په سیمه کې د امنیتي بدلونونو له امله تر اغېز لاندې راغلې دي.
خو ایران لا هم له بېلابېلو هېوادونو سره د ډیپلوماتیکو اړیکو او همکاریو پر پراختیا ټینګار کوي.
