۸صبح، کابل: له پولیو پاک افغانستان بنسټ د ګوزڼ ناروغۍ پر وړاندې د ټولو ماشومانو د واکسینولو پر اړتیا ټینګار کړی او هغو ماشومانو ته يې د واکسین رسولو لپاره د هڅو د زياتېدو غوښتنه کړې چې تر اوسه واکسین شوي نه دي.
دغه بنسټ يکشنبه د لړم پر ۳مه، پر خپله اېکسپاڼه لیکلي چې هېڅ ماشوم باید په پولیو یا داسې بله ناروغۍ اخته نه شي چې مخنیوی یې کېدای شي.
له پولیو پاک افغانستان بنسټ د ماشومانو د ګوزڼ د نړیوالې ورځې په مناسبت ویلي چې هڅې باید زیاتې شي، څو واکسین هغو وروستیو ماشومانو ته هم ورسېږي چې لا هم له واکسینه بېبرخې پاتې دي.
پولیو یوه ویروسي او ساري ناروغي ده چې تر ډېره ماشومان پرې اخته کېږي او د دایمي فلج لامل کېدای شي او واکسین کول د دې ناروغۍ د مخنیوي له مهمو لارو دي.
د روغتیا نړیوال سازمان (WHO) هم تر دې وړاندې اعلان کړی و چې په ۲۰۲۶ میلادي کال کې په افغانستان کې د پولیو د لومړي ډول ویروس ۴۲ مثبتې پېښې ثبت شوې دي.
