۸صبح، کابل: له پولیو پاک افغانستان بنسټ وايي چې د پولیو واکسین نویو زېږېدلو او هغو ماشومانو ته چې ناروغان دي هم اړین دی.
دغه بنسټ دوشنبه د لړم پر ۲۵مه په اېکس پاڼه کې لیکلي چې د دغو ماشومانو د بدن د دفاعي سیستم کمزورتیا د ناروغیو، په ځانګړې توګه د پولیو پر وړاندې د هغوی د لا خوندیتوب اړتیا زیاتوي.
له پولیو پاک افغانستان بنسټ د دغه پیغام په خپرولو د ټولو ماشومانو د واکسینولو پر ارزښت ټینګار کړی دی.
د پولیو د نویو پېښو ثبتېدو د دغه ویروس د لا خپرېدو په اړه اندېښنې زیاتې کړې او روغتیايي بنسټونه د ماشومانو پر واکسینولو او د ددې ناروغۍ د خپرېدو د مخنیوي لپاره د کورنیو پر همکارۍ ټینګار کوي.






