د قطر لومړی وزیر شیخ محمد بن عبدالرحمان الثاني وايي، د امریکا او ایران ترمنځ د هوکړې او په سیمه کې د کړکېچ د پراخېدو د مخنیوي لپاره د منځګړیتوب هڅې روانې دي.
رویټرز شنبه د نومبر پر ۷مه راپور ورکړی چې الثاني یوې هوکړې ته د رسېدو په اړه ډاډ څرګند کړی او ویلي یې دي چې له تهران سره د اختلافاتو د هواري لپاره د واشنګټن لېوالتیا ان د د دغه هېواد له منځمهالو ټاکنو وروسته هم نه ده بدله شوې.
د قطر لومړي وزیر د خبرو د پرمختګ په اړه ویلي: «موږ نه شو کولی د یوې بشپړې هوکړې تر لاسه کولو ته په تمه پاتې شو، هیله لرو چې یوې ښې هوکړې ته ورسېږو.»
د سیمې هېوادونه د امریکا له منځمهالو ټاکنو وروسته پر ایران د دغه هېواد له بیا بریدونو اندېښمن دي.
ایران هم خبرداری ورکړی چې که امریکا بیا برید وکړي، په ګاونډیو هېوادونو کې به د امریکا او اسراییلو پر هدفونو بریدونه وکړي.
بل پلو تهران بیا له سپټمبر میاشتې راهیسې د کړکېچ د هواري لپاره اووه ورځنۍ طرحه وړاندې کړې، هغه چې تر اوسه ډونالډ ټرمپ نه ده منلې.
په دغه پلان کې د ایران پر بندرونو د امریکا د کلابندۍ پای ته رسول، د ایران د کنګل شویو شتمنیو ازادول او د هرمز تنګي له لارې د ایران تر ملاتړ لاندې د یوه مسیر له جوړېدو سره د واشنګټن سلا شامله ده.
