د پاکستان مخکېني او له واکه پرځېدلي لومړي وزیر عمران خان په مشرۍ د تحریک انصاف ګوند (پيټيای) له زندانه د خان او د دغه ګوند د ځینو نورو غړو د خلاصون لپاره له پاکستاني چارواکو سره مذاکره کړې ده.
پاکستاني رسنیو سهشنبه د ډېسمبر پر ۲۴مه راپور ورکړی چې د تحریک انصاف ګوند د دغه هېواد د ملي شورا مشر ایاز صادق په ګډون له یو شمېر پاکستاني چارواکو سره مذاکره کړې ده.
ټاکل شوې چې دا مذاکرات دوام ولري او د جنورۍ پر ۲مه یو ځل بیا خبرېاترې وکړي.
پيټيای د عمران خان سربېره د دغه ګوند د هغو غړو د خلاصون کېدو غوښتنه کړې چې د لاریونونو پرمهال نیول شوي وو.
د یادونې ده چې عمران خان د ۲۰۲۲ کال په اپرېل میاشت کې د نهباور رایو په ترڅ کې د پاکستان د لومړي وزارت له څوکۍ څخه ګوښه شو.
تحریک انصاف ګوند د پاکستان ټاکنې چې د شهباز شریف د بریا لامل شوې، له درغلیو ډکې بللې وې.
دا په داسې حال کې ده عمران خان لا هم د بېلابېلو تورونو له امله بندي دی.
