د روسیې ولسمشر ولادیمیر پوتین اعلان کړی چې مسکو د اسیا او ارام سمندر د اقتصادي همکاریو سازمان (اپک) د غونډې د وروستۍ اعلامیې له مسودې ملاتړ کوي.
د ټاس خبري اژانس چهارشنبه د لړم پر ۲۷مه، راپور ورکړی چې پوتین دا موضوع د اپک غونډې په عمومي ناسته کې مطرح کړې ده.
هغه ویلي چې دغه اعلامیه باید د غړو هېوادونو ترمنځ د همکارۍ لپاره د یوه ګډ چوکاټ او رغنده پروګرام د جوړېدو زمینه برابره کړي.
پوتین زیاته کړې چې روسیه د خپلو اقتصادي وړتیاوو د پیاوړتیا ترڅنګ، لا هم نړۍ ته پرانیستې ده.
هغه ویلي چې مسکو د صنعتي بنسټونو د ښهوالي، ټکنالوژیکو وړتیاوو د لوړولو او د انفلاسیون د مهارولو لپاره خپلو بنسټیزو اقتصادي اصلاحاتو ته دوام ورکوي.






