۸صبح، کابل: د افغانستان لپاره د ملګرو ملتونو د سرمنشي ځانګړې استازې او د یوناما مشرې رباب فاطمې د دې سازمان د عمومي اسامبلې له رییس خلیلالرحمن څخه غوښتنه کړې چې د یوناما ملاتړ ته دوام ورکړي.
هغې دوشنبه د تلې پر ۱۴مه، پر اېکس پاڼه په یوه پیغام کې لیکلي چې له خلیلالرحمن سره یې کتلي او د نړۍ د «تر ټولو زیانمنو هېوادونو» د ملاتړ په برخه کې یې د هغه د ژمنتیا او د ملګرو ملتونو د عمومي اسامبلې په ۸۱مه غونډه کې د دغو هېوادونو لومړیتوبونو ته د پاملرنې له امله ترې مننه کړې ده.
رباب فاطمې په دې کتنه کې د عمومې اسامبلې له رییسه غوښتي چې د یوناما ملاتړ ته دوام ورکړي.
هغې زیاته کړې ده: «د یوناما له ماموریته د عمومي اسامبلې د رییس پر دوامدار ملاتړ حساب کوم په تېره بیا د هغه د نوې دندې پرمهال.
بنګلهدېشۍ ډیپلوماټه رباب فاطمه درېیمه ښځه ده چې په افغانستان کې د طالبانو له بیا واکمنېدو وروسته د ملګرو ملتونو له لوري په افغانستان کې د دې سازمان د مرستندوی پلاوي د دفتر د مشرې په توګه ګومارل کېږي.
