د امریکا د استازو جرګې غړي توماس مسي اعلان کړی چې که د دغه هېواد د دفاع وزیر پیټ هېګسېت استعفا ورنه کړي، نو د هغه د استیضاح طرحه به رایې اچونې ته وړاندې کړي.
مسي پنجشنبه د نومبر پر ۵مه، پر اېکس پاڼه لیکلي چې یوازې په هغه صورت کې به د استیضاح د طرحې له بیا وړاندې کولو ډډه وکړي چې هېګسېت له خپلې دندې استعفا وکړي.
په همدې حال کې، سياېناېن راپور ورکړی چې تمه ده مسي راتلونکې اوونۍ د کانګرېس له بېرته پرانیستل کېدو وروسته دغه طرحه وړاندې کړي.
د راپور له مخې، د جمهوريپال ګوند څو سرچینو ویلي چې د دې طرحې د تصویب احتمال شته.
هېګسېت د ایران پر وړاندې د جګړې د پيلولو له لومړنیو ملاتړو و؛ هغه جګړه چې د امریکا د ولسمشر ډونالډ ټرمپ په وینا، د منځمهالو ټاکنو پر مهال يې د جمهوريپال ګوند په ماتې کې مهم رول درلود.
