د امریکا ډیموکراټ ګوند د آیوا ایالت په منځمهالو ټاکنو کې په بریا سره د سنا جرګې اکثریت ترلاسه کړی دی.
رویټرز چهارشنبه د نومبر پر ۴مه، راپور ورکړی چې ډیموکراټانو په څو هغو ایالتونو کې په بریا سره چې د جمهوريپالو پیاوړي مرکزونه بلل کېږي، د سنا جرګې په خپلو ټولټال څوکيو کې شپږ نورې هم ورزیاتې کړې دي.
د راپور له مخې، ډیموکراټانو په کانزاس، ټکزاس او سوېلي کارولاینا ایالتونو کې بریاوې ترلاسه کړې دي.
په ټکزاس کې د ډیموکراټ ګوند نوماند جېمز تالاریکو د ډونالډ ټرمپ تر ملاتړ لاندې نوماند کن پکستون ته ماتې ورکړې ده.
ډیموکراټانو په دغه ایالت کې په تېرو څه باندې ۳۰ کلونو کې په هېڅ ملي ټاکنو کې بریا نه وه ترلاسه کړې.
دغه راز، په سوېلي کارولاینا کې د ډیموکراټ ګوند نوماندې اني اندروز جمهوريپالې سناتورې دارلین ګراهام ماته کړې ده.
شرود براون هم په اوهایو ایالت کې له جمهوريپالو یوه څوکۍګټلې ده.
د رویټرز د راپور له مخې، ډیموکراټان ان که په میشیګان او مینهسوټا ایالتونو کې خپلې دوې تر دفاع لاندې څوکۍ هم وبایلي، بیا به هم د سنا جرګې اکثریت وساتي.
ډونالډ ټرمپ په تېرو دوو ولسمشریزو ټاکنو کې سوېلي کارولاینا ایالت په ۱۸ سلنه او کانزاس ایالت په ۱۶ سلنه توپیر ګټلی و.
