۸صبح، کندوز: په کندوز کې ځايي سرچینو په دغه ولایت کې د یوه سړي د وژل کېدو خبر ورکړی دی.
سرچینو پنجشنبه د لړم پر ۲۱مه، ۸صبح ورځپاڼې ته وويل چې د چهارشنبې پر ماښام یو سړی د کندوز ښار د مرکز د حلبۍ سازۍ په کوڅه کې په ډزو وژل شوی دی.
د سرچینو په وینا، دغه سړي سید نواب مجددي نومیده او هوټل يې درلود.
سرچینې زیاتوي چې سید نواب خپل کور ته نږدې د دوو وسلهوالو کسانو له خوا په ډزو وژل شوی دی.
تر اوسه د دې پېښې لامل او انګېزه نه ده روښانه شوې.
دا په داسې حال کې ده چې په وروستیو میاشتو کې د هېواد په ډېری ولایتونو کې ناامنۍ، هدفي وژنې، غلاوې او نور جنايي جرمونه زیات شوي دي.
