۸صبح، کابل: د ملګرو ملتونو د ماشومانو د ملاتړ صندوق (یونیسف) اعلان کړی چې په افغانستان کې ۳.۷ میلیونه ماشومان پر سختې خوارځواکۍ اخته دي.
دغه صندوق چهارشنبه، د لړم پر ۲۰مه، ویلي چې یو میلیون او ۶۵۰ زره نور ماشومان په کړکېچن وضعیت کې دي.
یونیسف زیاته کړې چې د اقلیمي بدلونونو او وچکالۍ له امله په افغانستان کې د خوړو نهخوندیتوب لا ډېر شوی دی.
د دغه بنسټ په وینا، که څه هم افغانستان د نړۍ د شين کوريرزو ګازو په خپرېدو کې ډېره لږه ونډه لري، خو د اقلیمي بدلونونو له پایلو سخت زيانمنېږي.
دغه بنسټ خبرداری ورکړی چې که بېړنۍ او دوامداره بوديجه برابره نه شي، په افغانستان کې به سخته خوارځواکي لا زياته شي.
یونیسف د نړۍ له مشرانو غوښتي چې د اقلیمي بدلونونو پر وړاندې د زیانګالو ټولنو د ساتنې لپاره د کاپ ۳۱ اقلیمي غونډه کې عملي ګامونه پورته کړي.
