یوې امنیتې سرچینې د نوم نه ښودلو په شرط ۸صبح ته وویل، له تېرو درې ورځو راهیسې د ګوشتې ولسوالۍ سالاله، وچتل، علاخیل، تورکاڼی، سپینه باره، دوړخیل او ګړو سیمو باندې د پاکستان له لوري شاوخوا ۱۵۰ درنې مرمۍ توغول شوي دي.
سرچینه زیاتوي چې نن یو شمېر مرمۍ د خلکو د استوګنې کورنو ته نږدې لګېدلي چې زیانونه یې هم اړولي خو تلفات نلري.
سرچينه زياتوي، پاکستاني پوځ پر ډيورنډ کرښه له اغزن تار دېخوا لسګونه متره د افغانستان په خاوره کې ماینونه ځای پرځای کړي چې د سیمې خلکو ډېری حیوانات پکې له منځه تللي دي.
د یادې موضوع په تړاو مو د ختیځ زون د سرحدي ځواکونو له قومندان سره اړیکه ونیوله خو ځواب مو ترلاسه نکړ.
د یادونې وړ ده چې څو ورځې وړاندې د ننګرهار ګاونډ ولایت کونړ په شلتن ولسوالۍ هم د پاکستان له لوري راکټي بريدونه شوي ؤ، خو پاکستاني لوري یې په اړه څه نه دي ویلي.
