د امریکا د بهرنیو چارو وزیر مارکو روبیو ویلی چې د ایران حکومت تر اوسه د ډونالډ په څېر ولسمشر سره نه دی مخ شوی.
د فاکس نیوز د راپور له مخې، د امریکا د بهرنیو چارو وزیر شنبه د اګست پر لومړۍ د تهران په اړه د ټرمپ تګلارې ته په اشارې ویلی چې ایران دې نور د دې تمه نه کوي چې د پایلو له منلو پرته مذاکرات وکړي.
د نوموړي په خبره، ولسمشر ټرمپ چمتو دی داسې ګامونه پورته کړي چې په وینا یې د امریکا مخکېنیو حکومتونو نه دي کړي.
د امریکا د بهرنیو چارو وزیر پر ایران تور لګولی چې په تېرو څو لسیزو کې «دروغو، له هوکړو سرغړونو او هوکړو ته د رسېدو لپاره یې د خلکو دوکه کولو ته دوام ورکړی دی.»
له دې سره هممهاله سپینې ماڼۍ خبرداری ورکړی تر هغې چې ټرمپ یې «ماناداره مذاکرات» بولي، ایران چمتو نه وي، لا به یې هم د تګلارو له پایلو سره مخ وي.
دا څرګندونې داسې مهال شوې چې د ایران او امریکا ترمنځ ترینګلتیاوې دوام لري.
