د روسیې کورنیو چارو وزارت د اوکراین ولسمشر ولادیمیر زیلینسکي نوم د «څار لاندې» کسانو په نوملړ کې ورزیات کړی دی.
مسکو ټایمز شنبه د اپریل پر ۴مه راپور ورکړی چې زیلینسکي د جزايي قانون له مخې تر «څار لاندې» دی.
نوموړي وزارت په دې اړه نور جزییات نه دي ورکړي.
تر اوسه روسي چارواکو په دې نوملړ کې د زیلینسکي د شاملولو په اړه رسمي څه ویلي نه دي.
له دې وړاندې داسې راپورونه خپاره شوي و چې ګواکې روسيه غواړي زیلینسکي «ترور» کړي.
د دغو ادعاوو له خپرېدو وروسته په ملګرو ملتونو کې د روسیې د دایمي استازولۍ مرستیال دیمیتري پولیانسکي ویلي و چې مسکو د زیلینسکي د «وژلو» کوم پلان نه لري.
