۸صبح، کابل: د روسیې د لومړي وزیر مرستیال الکسي اوورچوک د یوه لوړپوړي پلاوي په مشرۍ کابل ته راغلی دی.
د طالبانو د ویاند مرستیال حمدالله فطرت پنجشنبه د لړم پر ۲۱مه، ویلي چې اوورچوک به د طالبانو له بېلابېلو چارواکو سره وګوري.
د فطرت په وینا، ټاکل شوې چې دواړه لوري د طالبانو او روسیې ترمنځ د سیاسي، اقتصادي او ټرانزیټي اړیکو په اړه خبرې وکړي.
دغه راز ، د روسي سوداګرو لپاره د پانګونې فرصتونه به د دغو کتنو د خبرو اترو له نورو مهمو موضوعاتو وي.
دا کابل ته د الکسي اوورچوک دویم سفر دی.
نوموړي تر دې مخکې د ۲۰۲۴ کال د نومبر پر ۲۵مه، د روسیې د امنیت شورا د منشي سرګي شویګو په مشرۍ د یوه لوړپوړي روسي پلاوي په ترکیب کې کابل ته سفر کړی و.
