کابل ښار کې څو چاودنې؛ طالبانو پر یوه کور برید کړی دی

۸صبح، کابل: له کابل ښاره سیمه‌ییزې سرچینې وایي، چې د څو چاودنو او پرله‌پسې ډزو غږونه یې اورېدلي دي.

سرچینې چهارشنبه مازدیګر د مرغومي پر څوارلسمه نېټه وايي، چې طالبان یوه کور ته دننه شوي او له درنو وسلو یې کار اخیستی دی.

د سرچینو په وینا چاودنې او نښتې د مازدیګر ۴:۰۰ بجې پیل شوې او تر ۵:۳۰ یې دوام کړی دی.

دغه چاودنې د کابل ښار د اتمې امنیتي حوزې په اړوند ټانک لوګر سیمې ته نږدې شوې دي.

تراوسه د دې پېښې د تلفاتو او زیانونو په اړه معلومات نشته.

همداراز تراوسه نه ده روښانه شوې، چې دغه کور د چا دی. طالبانو هم تراوسه په دې اړه څه نه دي ویلي.

ورته لیکنې

Back to top button