د اندونیزیا چارواکي وايي، د سولاوسي ټاپو ته نږدې د یوې مسافر وړونکې کښتۍ د ډوبېدو له کبله لږ تر لږه ۱۵ کسان وژل شوي او ۱۹ نور لادرکه دي.
اسوشیټیډپرېس د اندونیزیا د سیمه ییز ژغورونکي سازمان د مشر «محمد عرفه»۴ له قوله د دوشنبې په ورځ، د جولای ۲۴مه خبر ورکړی، چې دا کښتۍ د سولاوسي ولایت د مرکزي بوتون سیمې له لانټو کلي څخه د لاګیلي سیمې پر لور روانه وه چې د تېرې نیمې شپې وروسته ډوبه شوه.
د معلوماتو له مخې، دې لرګينې کښتۍ د شل تنو د وړلو ظرفيت لرلو؛ خو ٤٠ تنه په کې سپاره وو.
د عرفه په وینا، د نادرکه کسانو د لټون په موخه پنځه کوچنۍ او شپږ د کب نیولو کښتۍ ګومارل شوې دي.
د يادونې وړ ده، چې د يکشنبې په ورځ د جولای په ٢٣مه، زرګونه اوسېدونکو د سلطنت د نهمې کلیزې په مناسبت مسافر وړونکو کښتيو کې خپلو کليو ته سفر کړی دی.
اندونیزیا له ۱۷ زرو زیاتې ټاپوګانې لري چې اوسیدونکي یې په دودیزه توګه کښتۍ کاروي.
دا په داسې حال کې ده، چې په ۲۰۱۸ کې، د شمالي سوماترا په ولایت کې د یوې کښتۍ د ډوبېدو په پایله کې ۱۶۸ کسان وژل شوي وو.
له دې وړاندې هم، ۱۹۹۹ کال کې په دغه هېواد کې د یوې کښتۍ د ډوبېدو له کبله ۳۱۲ کسانو خپل ژوند بایللی و.
