۸صبح، کابل: د اندونیزیا په نړیوال کنفرانس کې دوامداره سولې، ثبات او سوکالۍ ته د رسېدو لپاره د افغان ښځو د زدهکړو پر ارزښت ټینګار شوی دی.
د راپورونو له مخې دغه نړیواله ناسته د اندونیزیا او قطر په ګډ کوربتوب پنجشنبه د لیندۍ پر ۱۸ ترسره شوه.
ویل کېږي، چې په دې ناسته کې د امریکا، قطر، اندونیزیا او پاکستان په ګډون د ۲۰ هېوادونو او بنسټونو استازو ګډون درلود.
د دغې ناستې په وروستۍ اعلامیه کې پر کابو لسو ټکو له دې جملې بینالافغاني خبرواترو او په پرمختګ، سوله او ثبات کې د افغان مېرمنو پر رول ټینګار شوی دی.
په دې ناسته کې د طالبانو هېڅ استازي ګډون نه دی کړی.
طالبانو د تېر کال اګسټ میاشت کې پر افغانستان له واکمنېدو سره له شپږم ټولګي پورته نجونې زدهکوونکې له ښوونځیو بې برخې کړې او پر ښځو یې ګڼ محدودیتونه لګولي دي.
