په اندونیزیا کې د زلزلې د قربانیانو شمېر ۳۱۰ تنو ته ورسېد
د اندونیزیا په جاوه ټاپو کې د زلزلې له امله د قربانیانو شمېر ۳۱۰ تنو ته زیات شوی دی.
د فرانسې خبري آژانس د رپوټ له مخې، د اندونیزیا د پېښو بنسټ جمعه د نومبر په ۲۵مه ددې طبیعي پېښې د قربانیانو تازه شمېر خپور کړی دی.
دغه بنسټ د قربانیانو د شمېر د اعلانولو پرمهال ویلي چې تراوسه ۲۴ تنه تر خاورو لاندې دي او د ایستلو لپاره یې هڅې روانې دي.
ددغې درنې زلزلې مرکز، په لوېدیځه جاوه کې سیانجور ښار بلل شوی دی.
۵،۶ رېښتري زلزې درې ورځې مخکې د اندونیزیا په لوېدیځ کې یو شمېر سیمې ولړزولې چې له امله یې سلګونه تنه مړه او ټپیان شول.
