۸صبح، هلمند: په هلمند کې ځايي سرچینې وايي چې په دغه ولایت کې د یوې ترافیکې پېښې په پاېله کې شپږ کسان مړه شوي دي.
دا پېښه سهشنبه د زمري پر ۹مه شپه مهال سنګین ولسوالۍ پورې اړوند سیمه کې شوې ده.
دغو کسانو هغه مهال ژوند وبایله چې ټکسي موټر یې هلمند سیند ته ولوېد.
په دې پېښه کې څلور ماشومان، یوه ښځه او یو نارینه مړ شوی دی.
دغه راز، په پېښه کې دوه کسان ټپيان شوي هم دي.
د پېښې لامل د موټروان بېاحتیاطي بلل شوې او طالبانو هم د پېښې پخلی کړی او ډاډ یې ورکړی چې ټپيان تر درملنې لاندې دي.
په دې وروستیو کې د هېواد په ګڼو ولایتونو کې ترافیکې پېښې ډېرې شوې دي.
