۸صبح، کابل: سرچینې د کابل ښار په کارته مأمورین سیمه کې د طالبانو د استخباراتو د یوه غړي د وژل کېدو خبر ورکوي.
سرچینو سه شنبه د لړم پر ۱۹مه، ۸صبح ورځپاڼې ته وويل چې د طالبانو د استخباراتو غړی قاري ذبیحالله د دوشنبې پر ماښام خپل کور ته څېرمه د وسلهوالو کسانو لهخوا وژل شوی دی.
د سرچینو په وینا، د طالبانو د دغه غړي جسد د میدان وردګو ولایت د چک ولسوالۍ د صالحخېلو کلي ته چې د هغه خپل کلی دی، لېږدول شوی دی.
تر اوسه هېڅ کوم کس یا ډلې د هغه د وژنې مسوولیت نه دی منلی.
په وروستیو ورځو کې د هېواد په یو شمېر ولایتونو کې د مرموزو وژنو او جنايي جرمونو پېښې زیاتې شوې دي.
