د «کلبه دوست» په نوم د ښځو ټولنه د افغان ښځو د حقونو او وضعیت په اړه د خبرو اترو دویم کنفرانس د فرانسې په الفورویل ښار کې جوړوي.
دا کنفرانس به د لړم پر ۳۰مه، د فرانسې د الفورویل ښاروالۍ او د هزارهګانو د کډوالو د ټولنې په همکارۍ جوړ شي.
د افغانستان او اروپا څېړونکي، د پوهنتون استادان او د بشري حقونو فعالان به په دې غونډه کې ګډون وکړي.
د دې کنفرانس ګډونوال به د ښځو پر زدهکړو او کار محدودیتونه، د هغوی پر وړاندې تاوتریخوالی، د هغوی جسمي او رواني روغتیا او د نړیوالې ټولنې مسوولیتونه وڅېړي.
