۸صبح، سرپل: په سرپل ولایت کې ځايي سرچینې وايي، چې په دغه ولایت کې یو ۲۵ کلن ځوان د ناپېژاندو وسلهوالو لهخوا وژل شوی دی.
سرچینو يکشنبه د لړم پر ۱۷مه، ۸صبح ورځپاڼې ته وويل، چې دغه ځوان نويدالله نوميده او په سنچارک ولسوالۍ کې وژل شوی دی.
د سرچینو په وینا، دا پېښه نن سهار شاوخوا پنځه بجې د دغې ولسوالۍ په تغایخواجه کلي کې شوې ده.
دا پېښه په داسې حال کې کېږي، چې وروستي راپورونه د افغانستان په بېلابېلو سیمو کې د امنیتي پېښو او وژنو د دوام ښکارندویي کوي.
د ملګرو ملتونو د راپور له مخې، د ۲۰۲۶ کال د مې او جولای میاشتو ترمنځ په افغانستان کې دوه زره او ۹۴۷ امنیتي پېښې ثبت شوې دي، چې د تېر کال د ورته مودې پرتله ۱۱ سلنه زیاتوالی ښيي.
