۸صبح، خوست: په خوست کې ځايي سرچینې وايي چې د دغه ولایت په اسمان کې بېپیلوټه الوتکې ګزمې کوي.
سرچینو شنبه د وږي پر ۱۴مه ۸صبح ورځپاڼې ته وویل چې دا ډرون د خوست په ځينو ولسوالیو او مرکز کې لیدل شوې دي.
د سرچینو د معلوماتو له مخې، څرګنده نه ده چې دا بېپيلوټه الوتکې د کوم هېواد اړوند دي، خو د سیمې اوسېدونکي ادعا کوي چې پاکستانۍ دي.
په تېرو میاشتو کې هم په خوست، پکتیا او پکتیکا کې د بېپیلوټه الوتکو د ګزمو راپورونه خپاره شوي دي.
