۸صبح، کندهار: سیمهییزې سرچینې وايي چې په کندهار پوهنتون کې د نورو اسلامي مضمونونو ترڅنګ د ملا هبتالله فرمانونه هم تدریسېږي.
سرچینو چهارشنبه د لړم پر ۶مه ۸صبح ورځپاڼې ته وویل چې د کندهار پوهنتون استادان د اسلامي او ثقافت مضمونونو یوې برخې د تدریس پر ځای، محصلانو ته د طالبانو د مشر فرمانونه تدریسوي.
د سرچینو په خبره، محصلانو ته خبر ورکړل شوی چې په ازموینو کې د اسلامي ثقافت له مضمون سربېره د ملا هبتالله له فرمانونو هم پوښتنې راځي.
محصلان وايي چې د اسلامي ثقافت مضمون استادان هم د طالبانو ملاتړي دیني عالمان دي او د دغه مضمون د تدریس لپاره اړینه پوهه نه لري.
ورته مهال یوه بله سرچینه وايي چې د لوړو زدهکړو وزارت دولتي او خصوصي پوهنتونونو ته لارښونه کړې چې د اسلامي مضمونونو په درسي ساعتونو کې د ملا هبتالله فرمانونه هم تدریس کړي.
د سرچینې په خبره، طالبان په دې سره غواړي خلک د ملا هبتالله له فرمانونو سره اشنا او پلي کېدو ته یې لاره چاره برابره کړي.
