۸صبح، کندهار: د کندهار په سپین بولدک ولسوالۍ کې سرچینې وايي چې پاکستاني نظامیانو نن سهار دوه افغان چلوونکي د چمن – سپین بولدک پر یوې قاچاي لارې ویشتلي دي.
سرچینو شنبه د لړم پر ۲مه ۸صبح ورځپاڼې ته وویل چې وژل شویو چلوونکو عزیزالله او نعمتالله غوښتل د پاکستاني نظامیانو او طالبانو په رضایت په قاچاقي توګه افغانستان ته ننوځي.
د سرچینو په خبره، د دغو دواړو کورنۍ په سپین بولدک ولسوالۍ کې ژوند کوي.
سرچینې زیاتوي چې د افغانستان او پاکستان ترمنځ د دروازو له بندېدو وروسته د دواړو غاړو ترمنځ د تګ راتګ لپاره قاچاقي لارې کارول کېږي.
د سرچینو په وینا، پر دغو لارو قاچاق د دواړو غاړو د نظامیانو په خوښه روان دی.
