۸صبح، بدخشان: د بدخشان په مرکز فیضاباد کې سرچینې وايي چې شېبه وړاندې په ښار کې د درنو او سپکو وسلو د ډزو غږونه اورېدل شوي دي.
سرچینو سهشنبه د زمري پر ۲۰مه ویلي چې ډزو څو دقیقې دوام کړی دی.
د سرچینو په خبره، تر اوسه د دغو ډزو له امله د اوښتو زیانونو په اړه جزییات نه شته.
تر اوسه د دغو ډزو مسوولیت کومې ډلې نه دی منلی.
له دې وړاندې د بدخشان په ځينو ولسوالیو کې د طالبانو او د دې ډلې د مخالفانو ترمنځ د نښتو راپورونه ورکړل شوي و.
