۸صبح، هلمند: سیمهییزې سرچینې وايي چې د هلمند په مرکز لښکرګاه ښار کې د لومړۍ او دویمې امنیتي حوزو اړوند په صوفیان سیمه کې د څو چاودنو غږونه اورېدل شوي دي.
سرچینو یکشنبه د تلې پر ۱۲مه له ۸صبح ورځپاڼې سره په خبرو کې ویلي چې د چاودنو غږونه دومره درانه نه و.
سرچینې زیاتوي چې د چاودنو له غږونو وروسته طالبانو د ښار د لومړۍ او دویمې امنیتي حوزو اړوند سړک د څو ساعتونو لپاره د خلکو پر مخ تړلی و.
ورته مهال یوې بلې سرچینې ویلي چې د لښکرګاه ښار د لومړۍ امنیتي حوزې په مربوطاتو کې د څو نسبتاً درنو چاودنو غږونه هم اورېدل شوي دي.
تر اوسه په لښکرګاه ښار کې د دغو چاودنو لامل نه دی روښانه او په اړه یې نور معلومات نه دي خپاره شوي.
