۸صبح، میدان وردګ: په میدان وردګو کې سرچینې وايي چې طالبانو په دغه ولایت کې د ولسي پاڅونونو قوماندان زمان رزمنده نیولی دی.
سرچینو سه شنبه د لړم پر ۱۹مه، ۸صبح ورځپاڼې ته ویلي چې رزمنده د دغه ولایت په بهسودو ولسوالۍ کې نیول شوی دی.
د سرچینو په وینا، زمان رزمنده په میدان وردګو په ولایت کې د ولسي پاڅونونو د پخواني قوماندان عبدالغني علیپور مرستیال و.
سرچینې وايي چې رزمنده د تېر نظام له سقوط وروسته له هېواده بهر تللی و او هېواد ته تر بېرته راستنېدو وروسته نیول شوی دی.
دا په داسې حال کې ده چې په وروستیو ورځو کې د هېواد په بېلابېلو سیمو کې د وژنو، خپلسرو نیونو او وسلهوالو غلاوو پېښې زیاتې شوې دي.
