۸صبح، بدخشان: په بدخشان کې ځايي سرچینې وايي چې طالبانو په شهر بزرګ ولسوالۍ کې د خپلو ځايي جنګیالیو د بې وسلې کولو لړۍ پیل کړې ده.
دغو سرچینو یکشنبه د چنګاښ پر ۲۱مه ۸صبح ورځپاڼې ته وویل چې د طالبانو د چارو ادارې مرستیال مولوي سیفالدین تایب تېره شپه د دغې ولسوالۍ «ابګنده» کلي ته تللی دی.
د معلوماتو له مخې، د چارو ادارې له مرستیال سره د طالبانو ځانګړي ځواکونه هم په سیمه کې ځای پر ځای شوي دي.
د سرچینو په خبره، په دغې ولسوالۍ کې د بې وسلې کولو لړۍ نن د ماسپښین له لمانځه وروسته پيل شوې ده.
په وروستیو اوونیو کې د بدخشان وضعیت ترینګلی راپور شوی دی.
ویل کېږي چې د ځايي قوماندانانو او په کابل او کندهار کې د طالب چارواکو ترمنځ اختلافات د کانونو د استخراج پر سر رامنځته شوي دي.
