۸صبح، لوګر: سیمهییزې سرچینې وايي چې د لوګر په محمداغې ولسوالۍ کې غلو یو ښوونکی وژلی دی.
سرچینو چهارشنبه د لړم پر ۱۳مه ۸صبح ورځپاڼې ته وویل چې دا ښوونکی محمد عارف نومېده او د دوشنبې پر شپه د محمداغې ولسوالۍ په زرغون ښار سیمه کې غلو په خپل کور کې وژلی دی.
د سرچینو په خبره، غلو یو څه سره زر او نغذې پیسې هم وړې دي.
دا په داسې حال کې ده چې پرون په سمنګان کې هم یو قومي مشر په مرموز ډول وژل شوی و.
په دې وروستیو کې د هېواد په بېلابېلو سیمو کې د جنايي پېښو ګراف لوړ شوی چې له کبله یې اندېښنې راپارېدلې دي.
