۸صبح، بامیان: په بامیان کې ځايي سرچینو په افغانستان کې د ملګرو ملتونو د مرستندوی پلاوي (یوناما) د دفتر پر امنیتي مسوول د وسلهوال برید خبر ورکړی دی.
سرچینو پنجشنبه تلې پر ۳۰مه، ۸صبح ورځپاڼې ته وویل چې په بامیان کې د یوناما دفتر د امنیتي مسوول کریم کریمي پر موټر د چهارشنبې په ورځ د دغه ولایت په مرکز کې ډزې شوې دي.
د سرچینو په وینا، کریمي ته په دې پېښه کې زيان نه دی اوښتی.
دا پېښه په داسې حال کې کېږي چې یوه اوونۍ مخکې د مقاومت ملي جبهې او د افغانستان د ازادۍ جبهې په یوې ګډې اعلامیه کې په افغانستان کې پر ډیپلوماټیکو استازولیو او نړیوالو بنسټونو د پلان شويو بریدونو د احتمال په اړه خبرداری ورکړی و.
دغو دوو جبهو د دغو ګواښونو د خپلواکې څېړنې غوښتنه کړې وه.
په اعلامیه کې راغلي وو چې د ترلاسه شویو امنیتي معلوماتو له مخې، احتمال شته چې له طالب امنیتي جوړښتونو او افراطي شبکو سره تړلي کسان پر نړیوالو بنسټونو د بریدونو پلان جوړ کړي.
