۸صبح، کابل: د افغانستان د ملي امنیت پخواني سلاکار د ښوونیز نصاب د بدلون لپاره د طالبانو د ښوونې او روزنې کمېسیون د کار د پایلو په اړه د ۸صبح له خوا د راپور د خپرولو په اړه وایي چې طالبان په دې ښوونیز نصاب سره یوه ټولنه د «انتحاري روزنې مدرسې» پورې راټیټوي.
د افغانستان د ملي امنیت پخواني سلاکار ډاکتر رنګین دادفر سپنتا شنبې د لیندۍ په ۲۶مه د یوه ټویټ په خپرولو سره لیکلي: «موږ له یوه لوي ارتجاعي انقلاب سره مخ یوو، داسې انقلاب چې ټولنه به زر کاله شا ته بوځي.»
هغه زیاته کړې: «د ډېرو وروسته پاتې باورونو په طرحه کولو، د ټولنې مېرمنې یې یوه شي ته راټیټې کړې او اوس په دې ښوونیز نصاب سره یوه ټولنه د انتحاري روزنې مدرسې تر کچې راټیټوي.»
د هغه په باور، زده کوونکي اوسمهال ننیو او بشري علومو ته اړتیا لري.
۸صبح ورځپاڼې یو راپور ترلاسه کړی چې د طالبانو د «عصري ښوونځیو نصاب د بیا کتنې کمیتې» لخوا د ښوونې او روزنې او لوړو زده کړو کمېسیون تر نظر لاندې برابر شوی دی.
ددعه راپور له مخې، طالبانو له ښوونیز نصاب څخه د یو شمېر مضمونونو پر لیرې کولو سربېره، زیات شمېر ملاحظات او وړاندیزونه مطرح کړې چې د کتابونو منځپانګه د طالبانو د پخوانۍ واکمنۍ په شان د دې ډلې له ایډیالوژۍ سره سمه بدله شي.
دا سند په داسې حال کې رسنیز کېږي چې طالبانو په ځلونو د اسلامي نصاب د جوړولو خبر ورکړی او هغه یې په افغانستان کې د ښوونیزو بنسټونو یوه اړتیا بللې ده.
