۸صبح، کابل: د طالبانو د احصایې او معلوماتو عمومي ادارې ویلي چې د ۱۴۰۵ کال په لومړیو شپږو میاشتو کې په ټول افغانستان کې ۷۱ زره او ۳۴۷ د زېږون کارتونه وېشل شوي دي.
دې ادارې چهارشنبه د تلې پر ۸مه، په یوه خبرپاڼه کې ویلي چې په دې موده کې ۴۹ زره او ۵۰۱ د زېږون کارتونه لویانو ترلاسه کړي دي.
۲۱ زره او ۸۴۶ نور د زېږون کارتونه ماشومانو ته وېشل شوي دي،
د دې خبرپاڼې له مخې، کابل د ۴۲ زره او ۷۴۲ د زېږون کارتونو په وېشلو سره په لومړي ځای کې دی.
د احصایې او معلوماتو عمومي ادارې زیاته کړې چې په همدې موده کې په ټول هېواد کې ۱۳ زره او ۵۴۸ د مړینې فورمې هم وېشل شوې دي.
