د راپورونو له مخې د پاکستان د پېښور ښار په یوه جومات کې د ځانمرګي برید له امله ۲۸ تنه ووژل شول او ۱۵۰ نور ټپيان دي.
جیو نیوز د دوشنبې ورځې د جنورۍ د دېرشمې نېټې د ځانمرګي برید د قربانیانو وروستی شمېر خپور کړی دی.
ویل کېږي، چې د دې پېښې یو شمېر قربانیان د پاکستان امنیتي ځواکونه دي.
پېښور ښار کې د «لیډي ریډینګ» روغتون ویاند محمد عاصم هم رویټرز ته ویلي، چې تر اوسه د پېښې له ځایه لږترلږه ۹۰ ټپیان دغه روغتون ته لېږدول شوي دي.
د هغه په وینا د یو شمېر کسانو روغتیایي وضعیت نازک دی.
د پاکستان لومړي وزیر شهباز شریف د دې برید پر غندلو سربېره زیاته کړې، چې «د دې پېښې عاملان له اسلام سره هېڅ اړیکه» نه لري.
د ویلو ده، چې نن غرمهمهال ۱ بجه او ۴۰ دقیقې د پاکستان د شمال ختیځ پېښور ښار په یوه جومات کې چاودنه وشوه.
دغه برید په داسې حال کې دی، چې د پاکستان یوه نامتو دیني عالم محمدتقي عثماني په دې وروستیو کې د دغه هېواد له دولت سره جګړه د اسلام له نظره ناجایزه بللې ده.
