۸صبح، کابل: تاجکستان د کونړ زلزله ځپلو ته څه باندې درې زره ټنه مرسته استولې ده.
د تاجکستان ولسمشر امامعلي رحمان دوشنبه د وږي پر ۱۷مه افغانستان ته د مرستو د دې جوپې د لېږلو خبر ورکړی دی.
د تاجکستان د ولسمشر په فیسبوکپاڼه کې راغلي چې د مرستې په دې جوپه کې اوړه، وریژې، غوړي، بوره، کمپلې، بوټونه، جامې او ځینې نور توکي دي.
نوموړي زیاته کړې: «دا اقدام د تاجکستان د خلکو د همدردۍ او شفقت روښانه نښه ده چې د افغانستان له ورور ملت سره یې لري او دغه راز د تاجکستان د جمهوریت د بشري سیاست او ښه ګاونډیتوب څرګند ثبوت دی چې د ملت د مشر جناب امامعلي رحمان تر مشرۍ لاندې څارل کېږي.»
له دې وړاندې د روسیې ولسمشر ولادیمیر پوتین هم د کونړ زلزله ځپلو ته څه باندې ۲۰ ټنه مرسته لېږلې وه.
دغه راز، ازبکستان او ترکمنستان هم د کونړ زلزله ځپلو ته بېړنۍ مرستې استولې وې.
د یادونې ده چې په کونړ کې د وروستۍ زلزلې په پایله کې څه باندې ۲۲۰۰ کسانو ژوند له لاسه ورکړی دی.
