۸صبح، کابل: طالب مسوولانو ویلي چې ۱۴۷ افغانان چې د پاکستان په زندانونو کې بندیان و، ازاد او هېواد ته راستانه شوي دي.
د طالبانو د کډوالو او بېرته راستنېدونکو چارو وزارت پنجشنبه د چنګاښ پر ۱۱مه خبر ورکړی چې دا کسان د پاکستان له زندانونو تر ازادېدو وروسته افغانستان ته راغلي دي.
په خبرپاڼه کې راغلي چې دا کسان په پاکستان کې د اوسېدو اسنادو نه لرلو له کبله نیول شوي و.
نوموړي وزارت ویلي چې د دغو کسانو له ډلې ۱۲۵ یې د تورخم او ۲۲ نور یې د سپین بولدک له لارې راغلي دي.
دا په داسې حال کې ده چې په وروستیو کې په ګاونډیو هېوادونو په ځانګړې توګه په ایران او پاکستان کې د افغان کډوالو نیول او ایستل زیات شوي دي.
