۸صبح، کابل: طالبانو ویلي چې پرون ۱۹۲ کورنۍ چې ۸۸۷ کسان پکې شامل دي، په جبري توګه افغانستان ته راستنې شوې دي.
د طالبانو د ویاند مرستیال حمدالله فطرت شنبه د وږي پر ۲۱مه، پر اېکس ټولنیزې شبکې ویلي چې ۸۹ کورنۍ چې ۴۵۱ تنه پکې شامل دي، د ننګرهار د تورخم له لارې افغانستان ته راستنې ستنې شوې دي.
فطرت زیاته کړې چې ۱۹ کورنۍ چې ۱۰۰ کسان کېږي، د کندهار د سپینبولدک لارې او ۶۵ کورنۍ چې ۲۶۶ کسان پکې شامل دي، د نیمروز د ورېښمو پله له لارې هېواد ته راستنې شوې دي.
د هغه په وینا، ۱۹ کورنۍ چې ۷۰ کسان پکې شامل دي، د هرات د اسلامکلا له لارې افغانستان ته راستنې شوې دي.
دغه کورنۍ داسې مهال راستنېږي، چې افغانستان د بېکارۍ، بېوزلۍ او د اساسي خدمتونو په کمښت سره له پراخو ستونزو مخ دی او د کډوالو بېرته ستنېدل ښايي پر اړمنو کورنیو لا زیات فشار واچوي.
