۸صبح، کابل: په مسکو کې د طالبانو سفیر ګل حسن حسن خپل باور لیک په یو لړ رسمي مراسمو کې د روسیې ولسمشر ولادیمیر پوتین ته سپارلی دی.
د طالبانو مرستیال ویاند حمدالله فطرت پنجشنبه د مرغومي پر ۲۵مه په مسکو کې د دغو مراسمو د ترسراوي خبر ورکړی دی.
ټاس خبري اژانس هم راپور ورکړی چې پوتین په دغو مراسمو کې ویلي چې روسیه له جګړې، ترهګرۍ او نشهيي توکو له قاچاق څخه خوندي یو موټی افغانستان غواړي.
د راپور له مخې، پوتین زیاته کړې چې له طالبانو سره هغه مهال همکاري پراخه شوه چې روسیې په رسمیت وپېژندل.
د یادونې ده چې روسیه یوازینی هېواد دی چې طالبان یې په رسمیت پېژندلي دي.
