۸صبح، کابل: طالبانو خبر ورکړی چې الکساندر سریګوویچ اوګورودنیکوف د افغانستان لپاره د بیلاروس جمهوریت د نوي «غیرمقیم» سفیر په توګه ټاکل شوی دی.
د طالبانو د بهرنیو چارو وزارت یکشنبه د لړم پر ۱۰مه په خپرې کړې اعلامیې کې لیکلي چې الکساندر سریګوویچ خپل باور لیک د دغه وزارت وزیر امیرخان متقي ته سپارلی دی.
د خبرپاڼې له مخې، امیرخان متقي د بیلاروس نوي سفیر ته د هر اړخیزې همکارۍ ډاډ ورکړی دی.
په اعلامیې کې راغلي چې متقي د دواړو خواوو ترمنځ د اړیکو د پراختیا لپاره اوسنی فرصت مهم بللی او د سیمهییز اتصال پر پیاوړتیا یې ټينګار کړی دی.
ورته مهال د بیلاورس نوي سفیر ژمنه کړې چې د ماموریت پر مهال به د دواړو خواوو ترمنځ د اقتصادي او سوداګریزو اړیکو د پراختیا لپاره هڅې وکړي.
