۸صبح، کابل: د افغانستان لپاره د ملګرو ملتونو ځانګړی اماني صندوق (UN-STFA) وايي، د کډوالو د پراخې راستنېدنې، اقلیمي ټکانونو او اقتصادي فشارونو له امله د افغانستان اړتیاوې لا هم د بدلون په حال کې دي.
دغه بنسټ يکشنبه د لړم پر ۱۰مه، په یوه پیغام کې ویلي چې دغو بدلونونو د افغانستان ټولنې له مخ پر زیاتېدونکو ستونزو سره مخ کړې دي.
دغه صندوق زیاته کړې چې په خپلو راتلونکو پروګرامونو کې به د بریالیو پروګرامونو پر پراختیا او د افغانستان نويو اړتیاوو ته پر پاملرنې تمرکز وکړي او سیمهییزو ټولنو ته به لومړیتوب ورکړي.
افغانستان لا هم له یوه پراخ بشري ناورین سره مخ دی.
د ملګرو ملتونو د ۲۰۲۶ کال د بشري اړتیاوو او ځواب ویلو د طرحې له مخې، شاوخوا ۲۱.۹ میلیونه کسان چې د هېواد د نفوس ۴۵ سلنه جوړوي، بشري مرستو ته اړتیا لري.
د خوړو نهخوندیتوب، بېوزلي، د کډوالو پراخه راستنېدنه، وچکالي او روغتیايي خدمتونو او د څښاک پاکو اوبو ته د خلکو نهلاسرسی د دغو اړتیاوو د زیاتېدو اصلي لاملونه بلل شوي دي.
